top of page

冬季保養地雷 盡早改變以免變成敏感肌



今年不知不覺就去到冬天,除咗衫要換之外,保養品都要換埋呀,唔同季節皮膚既需要都唔一樣,唔想皮膚愈搽愈差?要留意返冬季保養既4個地雷啦,幫你一年四季都keep 靚!



1. 瘋狂用油類保養品

冬天乾燥關係,臉部容易有細紋同會脫皮,所以好多人都會揀高油量既保養品。但忽略補水既需要,咁樣會令肌膚水油不平衡,搞到肌膚外油內乾。形成粉刺同暗瘡等問題,所以需要先加強補水再配上鎖水產品,咁先可以令水分有效留係肌膚入面。




2. 急於美白保養

好多女生會為夏天開始努力,諗住冬天著長袖,就開始美白大計。但無諗到冬天天氣令肌膚變得乾燥同脆弱,而用美白既產品一般比其他保養品更乾。呢個美白計劃未有成績,就已引發敏感問題,嚴重既話可怕既敏感肌就會出現。



3. 忽略防曬

同樣,因為覺得冬天太陽比較弱,加上疫情要帶口罩又著長袖既關係,就懶搽防曬。但你需要知道,紫外線既強弱唔會因為季節變化而變弱,所以唔做好保護,暗沉、黑斑、鬆弛一樣都搵上你。




4. 沖涼時間變長

天氣凍去沖涼係一件好艱難既事,但入到去暖咗又唔捨得離開係人之常情。但其實對肌膚既傷害好大,由於高溫既水會令肌膚水分流失;肌膚既甩皮同乾燥更嚴重。需要多加留意既你酒糟 / 敏感肌既人士!所以醫生一般建議沖涼水溫唔好超過40度;洗面要用常溫的水以避免傷害肌膚,否則會引起濕疹、敏感、粉刺痘痘等問題,或令原本情況更嚴重。



7 次查看0 則留言

最新文章

查看全部

日本Fujimi 20個問題打造個人化訂製面膜

敷面膜可以話係保養日常,但唔同面膜唔同既作用,唔同既牌子同既成份都唔一樣。周圍試有可能會引發皮膚問題,日本品牌Fujimi就可以幫到你。 大家係佢地既網站回答20個關於自己既個人皮膚狀況,品牌就會根據呢個問卷去製作最適合你個人既配方。另外,仲有3種既面膜香氣,分別係柑橘、花香或茶樹香可以揀返。如有雷同實屬巧合,但到手既會係最適合你既。 呢個品牌特別之處係有兩層既設計,第一層係主要保濕同有修護既功效

Comments


bottom of page