top of page

化妝前先要了解 膚質與保養



愛美係天性,化妝係日常,唔同既膚質唔同年齡都會有影響,唔想皮膚差到化濃妝都遮唔到?首先要了解自身既膚質,保養既時間同年齡層既基本需要,告別濃妝話咁易。



1. 膚質種類


- 乾性皮膚

皮膚無光澤,眼周、唇邊、額頭等部份易現乾紋,毛孔唔明顯但上妝時易出現乾皮屑。


- 中性皮膚

最理想而令人羨慕既膚質柔嫩易上妝,皮質細緻、膚色均勻無油光同乾疤。


- 油性皮膚

面部出油情況嚴重、易甩妝,毛孔粗大同時易有粉刺、油脂粒同黑頭等。


- 混合型皮膚

一般T字位(前額同鼻樑位置)出油,兩邊面頰乾性膚質。毛孔粗大,保養需要比較小心切合需求。


- 敏感型皮膚

皮膚角質層薄,無論係冷天熱天都易面紅,皮脂分泌量多。毛孔粗大,易睇到紅血絲、有暗瘡或雀斑。


認清自己既膚質之後,就要注意保養時間表︰


去角質 ︰


乾性皮膚 - 約一星期一次

中性皮膚 - 約一星期一次

油性皮膚 - 約兩星期一次

混合型皮膚 - 約兩星期一次

敏感型皮膚 - 約一個月一次


去角質需要定時,建議乾性皮膚同中性皮膚一星期左右做一次;油性皮膚 &混合型皮膚兩星期左右做一次。而敏感型皮膚唔可以太常受刺激,一個月左右做一次就可以。


敷面膜︰

- 清潔面膜 - 約一星期一次

- 補水面膜 - 約兩星期一次

- 功能型面膜 - 約一個月一次


保養方面,好多人都係勤敷面膜,但唔係每日敷就有好結果。太大負擔既話會令皮膚適得其反。

保養產品 – 唔同年齡層既皮膚需要都唔一樣,一般25歲前既皮膚用普通補濕產品先打好個底。25 – 30歲左右既輕熟肌就要開始用抗初老保養產品,而30歲之後就建議開始用抗皺緊緻保養產品。


其實每日既辛苦保養都係想自己可以凍齡,睇落更神采飛揚。大家更需要搵啱適合自己既方式先可以事半功倍。



(Credit:網上資料)

2 次查看0 則留言

最新文章

查看全部

日本Fujimi 20個問題打造個人化訂製面膜

敷面膜可以話係保養日常,但唔同面膜唔同既作用,唔同既牌子同既成份都唔一樣。周圍試有可能會引發皮膚問題,日本品牌Fujimi就可以幫到你。 大家係佢地既網站回答20個關於自己既個人皮膚狀況,品牌就會根據呢個問卷去製作最適合你個人既配方。另外,仲有3種既面膜香氣,分別係柑橘、花香或茶樹香可以揀返。如有雷同實屬巧合,但到手既會係最適合你既。 呢個品牌特別之處係有兩層既設計,第一層係主要保濕同有修護既功效

bottom of page