top of page

只要夠輕薄就唔會脫妝?!詳細眼鏡妝教學



一般觀念係化妝都應該帶隱影眼鏡,因為眼鏡會遮曬個精心打造既妝容。但係有時唔夠瞓眼又乾帶唔到隱影眼鏡唔通又唔化妝出門咩!唔緊要,只要個妝夠輕薄就無問題,今次就同大家講下眼鏡妝應該點化。



1. 輕薄底妝

帶眼鏡既都會知道鼻樑係最易甩妝既位置,所以擠大約一揼粉量既粉底液點上面既時候可以先忽略個鼻。再用微濕既美妝蛋輕輕拍勻全面既粉底液之後,用帶有殘餘粉底液既美妝蛋再輕輕幫鼻上底妝。



2. 遮瑕

因為帶眼鏡既關係會突顯黑眼圈部份,所以視乎黑眼圈嘅顏色揀返適合顏色嘅遮瑕少量多次咁修飾。之後面上仲有膚色不均嘅部分處理好,就可以去下一步。



3. 啞光高光提亮

如果兩邊面頰有凹陷同法令紋既話,可以用啞光高,光點係蘋果肌、額頭、鼻樑、鼻尖以及下巴部分用美妝蛋推開。咁樣整體面部變得立體。



4. 定妝

用粉餅輕印一下全面既位置,但同樣都係忽略鼻既位置。鼻方面,係鼻樑上掃上散粉唔需要掃開,做一個『烘焙定妝』。之後就可以畫日常眉毛就可以。



5. 眼妝

眼鏡鏡片既厚度會令眼變細,所以眼妝部份需要畫得大啲,建議用大地色系。先用淺啡色,再用深啡色由眼尾位置開始上色同暈染後向前掃開,再由眼頭向眼尾掃均勻,咁樣過渡就會好自然。最後用珠光色去打亮返中間眼窩位置。

大眼妝又點會少得臥蠶呢,瞇眼笑一下就會搵到臥蠶線,用再深一度既啡色輕畫一下,配以臥蠶筆提亮。搽埋睫毛膏、夾翹再畫埋眼線,就完成。


6. 鼻樑上既烘焙定妝

完成眼妝就可以掃開鼻樑上既散粉,呢個方法係利用肌膚溫度,令底妝同蜜粉更加融合,定妝效果有效持久。


7. 胭脂與唇膏

胭脂方面呢個妝會大幅咁掃上,因為眼鏡會遮咗一大半,所以沿住眼尾位置向外掃開。唇膏就無咩特別,但需要整體顏色配好,一般建議係用返橙色系。 #輕薄 #唔脫妝 #眼鏡妝 #遮瑕 #啞光提亮 #烘焙定妝


(Credit:網上資料,小紅書,Pinterest)

142 次查看0 則留言
bottom of page