.webp)
單眼皮係化妝大敵，我明，我真係明。化咗個靚靚既眼影同埋完美既眼線，一睜開眼，乜都無曬，崩潰… 用雙眼皮貼咩？又唔係個個都用到或者識用，眼皮仲可能因為拉扯變鬆… 崩潰again…
其實一個小手術可以幫你解決，但市面上有分割 / 縫雙眼皮，又點揀好呢？
「割雙眼皮」
比較適合眼皮脂肪比較厚 或 眼皮比較鬆既類型，係眼皮做一個弧形切口，移除適量眼眶脂肪，然後縫合傷口。
優點︰雙眼皮摺痕明顯同深，持效長。缺點︰恢復期長。
「縫雙眼皮」
同樣都要切開皮膚，但切口較細，算係微創手術。經切口續一移除部分眼眶脂肪後，縫合真皮層同眼皮。
優點︰恢復期短。 缺點︰雙眼皮摺痕無傳統既明顯，持效短有機會幾年做一次。
雖然係小手術，但做之前記得同專業醫生咨詢交流咗先，講清楚自己既期待，認清自己情況。咁就十拿九穩啦。每人對美既定義唔一樣，小編並非鼓吹雙眼皮先係美麗既象徵，希望大家可以擁有同期待一樣理想既效果。
(Credit：網上資料)
Comments