眉型要襯返個面型 分析眉型點樣可以修飾面型

我地好易會受潮流影響，去改變眉型配合妝容，但忽略咗需要配合返面型。面型大致上可以分成6個，大家可以睇返分析啱唔啱︰

1. 正三角形面

呢款面型既特徵係下巴同下顎骨嘅部分比較平同闊，適合比較圓潤既粗眉，即係眉頭比眉尾底，而且無眉峰。令整體睇落就會柔和啲。

2. 倒三角形面

即係瓜子面，適合圓潤既幼眉，眉頭同眉尾既高度一致；眉峰稍為有弧度，眉尾拉長偏幼。令整體睇落溫婉啲。

3. 橢圓形面

被稱呼係標準面形，適合佢哋嘅名模都係標準眉型。一般既韓式眉都可以。而眉色就可以就返頭髮顏色配搭返。

4. 方形面

適合上挑眉 / 柳葉眉，眉尾比眉頭高0.5 cm。眉峰位置要係眉尾既1/3處，眉頭粗眉尾幼可以更修飾面形。

5. 圓面

適合長彎眉 / 柳葉眉，唔建議嘗試平粗眉，因為面部睇落更圓潤，所以要記得眉峰需要畫得明顯啲。

6. 菱形面

適合流星眉，好似流星劃過咁，特點係無眉峰，無特別既粗幼長短比較自然。 #眉型 #修飾面型 #正三角形面 #倒三角形面 #橢圓形面 #方形面 #圓面 #菱形面

(Credit：網上資料，小紅書，Pinterest)