隆鼻前需知 山根起點粗細係關鍵！

點解會話山根位咁重要？ 因為隆鼻首要係考慮山根既高度同位置，如果唔係做出來效果會好假。始終比例最重要，唔可以只追求其中一點。

補充返，山根既位置即係靠近內眼角既鼻樑位。如果山根起點太高會太誇張，好似把間尺咁。一般審美山根既起點，平均係一對瞳孔高度畫線左右，但都要綜合返額頭、眉骨、眼窩同中庭等位置先可以判定。

山根既起點︰

偏高 - 比較適合有混血感既樣貌，額頭飽滿，高眉弓，眼窩深。睇起來視覺上拉長中庭，成個人會偏向氣質成熟嘅風格。

平均中間 - 整體協調五觀位置，普通和諧。

偏低 - 低眉骨，淺眼窩，中庭長既女生可以揀返偏低既位置。有中庭縮短既效果，有減齡同甜美感。當然唔係愈低愈好，比例好重要呀。

山根既粗幼︰

偏粗 - 山根愈粗，咁樣會拉近雙眼嘅間距，集中五官。

中等 – 最穩陣既大小，但無咩特色。

偏幼 - 山根愈幼，面部佔比越細，雙眼變間距分散，整體加強精緻感。

除此之外，鼻頭都要留意返，大鼻頭配幼山根，有放大鼻頭既效果。始終都係啱比例最重要，做之前有疑問記得先問清楚醫生呀。

(Credit：網上資料)