top of page

韓系妝容教學 知道6個重點可以有無限變化



6個重點Get韓劇女主既自然透薄妝容輕易擁有,持久透薄底妝、提高遮瑕度, 韓式唇彩、眉毛畫法無難度。



重點1:持久透薄底妝

氣墊係好方便,但想底妝完整加強持久度,韓國女仔都會用粉底液,氣墊會係補妝用。所以睇返粉底液質地揀啱上妝工具好重要,係底妝薄透又自然既關鍵,同時提高持久度同遮瑕度。

如果對自己皮膚有信心,可以只用防曬同隔離霜或者用素顏霜打底,再針對瑕疵部位局部用遮瑕膏,咁樣既底妝更輕薄。



重點2:眼影最多深、淺色暈染

單用一種霧面裸膚色調眼影打底,又或者用「同色系」深淺色為主,最多用2-3色做暈染,再係眼頭以珠光色打亮。咁樣畫就會有立體感既輪廓,眼妝更加清透。



重點3:啡色眼線、睫毛膏更自然

比起起黑色,啡色眼線同睫毛膏令整體更柔和,凸顯出清透的眼神,同時配合眼影時融合度更高,更自然。



重點4:眉毛比起塊狀、更注重毛流線條感

韓妝中既眉毛既部份著重自然,會用眉筆畫出根根分明既效果,例如野生眉同柔霧眉等。畫眉既時候可以先畫出大致框架,再順著眉毛慢慢勾勒就可以。當然大家想快既話,市面上都有好多地方可以做飄眉或霧眉,方便又快捷。



重點5:唇部遮瑕要注意

想要有持色潤澤水光感唇彩,上唇彩前的唇部遮瑕好重要。大家上完粉底之後,用餘粉印一印咀唇即ok,然後上唇膏就會更顯色。想修飾唇形既話,可以用粉底或遮瑕模糊唇線、再搽唇膏就可以。


重點6:高光、腮紅可以合一

底妝既畫龍點精就係高光同胭脂,所以對妝容既整體好重要,但新手難掌握既話可以用微珠光胭脂,係蘋果肌上面輕輕掃上,令底妝更通透,帶光澤感。



(Credit:網上資料,小紅書,Pinterest)

2 次查看0 則留言
bottom of page